corona : प्रदेस म आज होय हे कोरोना के 35 नवा मामला के पहचान, रईपुर म घलो 2 पॉजिटिव

जय जोहार… (corona) प्रदेस म आज कोरोना के 35 नवा मरीज सामने आय हे। उहें 26 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 6, राजनांदगांव ले 1, रईपुर ले 2, धमतरी ले 4, बलौदाबाजार ले 2, गरियाबंद ले 2, बिलासपुर ले 1, रायगढ़ ले 3, कोरबा ले 3, जांजगीर-चांपा ले 1, सरगुजा ले 3, जशपुर ले 3, बस्तर ले 2, दंतेवाड़ा ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 577 हो गे हे, जेमा ले 304 एक्टिव मामला हे। उहें 9 लाख 92 हजार 681 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13592 मरीज के जान चले गेहे।