corona : प्रदेस म आज मिले हे कोरोना के 35 नवा मामला, रईपुर म घलो 3 पॉजिटिव

जय जोहार… (corona) प्रदेस म आज कोरोना के 35 नवा मरीज के पहिचान होय हे। उहें 39 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि 1 मरीज के उपचार के दौरान जान चले गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, राजनांदगांव ले 2, बेमेतरा ले 1, रईपुर ले 3, धमतरी ले 1, महासमुंद ले 1, गरियाबंद ले 1, बिलासपुर ले 5, रायगढ़ ले 1, कोरबा ले 6, जांजगीर-चांपा ले 1,सरगुजा ले 1, कोरिया ले 1,, जशपुर ले 2, सुकमा ले 1, कांकेर ले 4 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 937 हो गे हे, जेमा ले 371 एक्टिव मामला हे। उहें 9 लाख 91 हजार 007 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13559 मरीज के जान चले गे हे।