Corona: प्रदेश म बीते 24 घंटा म होय हे 351 नवा मामला के पहचान, रायपुर म घलो 146 पाजिटिव

जय जोहार…. (Corona) प्रदेश म पिछिले 24 घंटा म कोरोना के 351 नवा मरीज मिले हे। उहचे 202 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 6 संक्रमित मन के मौत हो गे हे।

पिछिले 24 घंटा म जेन कोरोना (Corona) के नवा मरीज के पहचान होय हे, ओमा रायपुर ले 146, दुर्ग ले 49, बिलासपुर ले 27, रायगढ़ ले 20, कोरबा अऊ बलौदाबाजार ले 15, जांजगीर-चांपा ले 12, सरगुजा ले 8, गरियाबंद ले 7, राजनांदगांव, बालोद अऊ जशपुर ले 6-6, धमतरी, कोरिया अऊ सूरजपुर ले 5-5 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 3 लाख 06 हजार 370 हो गे हे। जेमा ले 4315 एक्टिव मामला हे। उहचे 2 लाख 98 हजार 337 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म 3718 संक्रमित मन के मौत हो गे हे।