corona: प्रदेस म आज होय हे कोरोना के 352 नवा मामला के पहचान, 10 मरीज के हो गे मौत
जय जोहार…. (corona) छत्तीसगढ़ म आज कोरोना के 352 नवा मरीज सामने आय हे। उहें 681 मरीज ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 10 मरीज के मौत हो गे हे।
कोरोना (corona ) के आज जेन नवा मरीज मिले है, ओमा रायगढ़ ले 16, रायपुर ले 17, बलौदाबाजार ले 22, जांजगीर-चांपा ले 17, सूरजपुर ले 11, सरगुजा ले 17, कोरबा ले 25, बलरामपुर ले 11, बिलासपुर ले 6, जशपुर ले 18, मुंगेली ले 1, कोरिया ले 13, महासमुंद ले 5, कांकेर ले 6, दुर्ग ले 15, बस्तर ले 23, राजनांदगांव ले 3, गरियाबंद ले 3, बालोद ले 7, गौरेला-पेंड्रा-मरवाही ले 4, कबीरधाम ले 1, धमतरी ले 17, बेमेतरा ले 6, कोंडागांव ले 7, दंतेवाड़ा ले 20, सुकमा ले 25, बीजापुर ले 27, नारायणपुर ले 7 नवा मरीज सामिल हे।
बता देन कि प्रदेस म कोरोना (corona) संक्रमण के मामला ह बाढ़ के 9 लाख 90 हजार 675 हो गे हे। जेमा ले 9 हजार 192 एक्टिव मामला हे। उहें 9 लाख 68 हजार 096 मरीज ह कोरोना ल मात दे दे हे, जेखर बाद ओमन ल अस्पताल ले छुट्टी दे दे गे हे। ए वायरस ले प्रदेस म अब तक 13387 संक्रमित के मौत हो गे हे।
