जय जोहार…. धमतरी (dhamtari) जिला म कोरोना संक्रमित मन के संख्या ह कम होय के नाम नई लेवत हे। ए जिला म आज कोरोना के 36 नवा मरीज मिले हे। उहचे 119 मरीज मन ल बने होय के बाद डिस्चार्ज कर दे गे हे।
जिला स्वास्थ्य समिति धमतरी (dhamtari) ले जारी आंकड़ा के मुताबिक आज मगरलोड ब्लाक ले 14, धमतरी शहरी ले 11, गुजरा अऊ नगरी ब्लाक ले 4-4 अऊ कुरुद ब्लाक ले 3 मरीज के पहचान होय हे।
बता दन कि धमतरी (dhamtari) जिला म कोरोना संक्रमण के मामला ह बाढ़ के 2622 पहुंच गे हे। जेमा ले 756 एक्टिव मामला हे। उहचे 1826 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले जिला म अब तक 40 लोगन मन के मौत हो गे हे।
Other Articles
Next
Previews
No Comment! Be the first one.