corona: बलौदाबाजार जिला म मिलिस कोरोना के 36 नवा मरीज, कुल संक्रमित मन के संख्या हो गे 679

जय जोहार…. बलौदाबाजार-भाटापारा जिला म आज कोरोना (corona) के 36 नवा मरीज के पहचान होय हे। एखर पुष्टि ल स्वास्थ्य विभाग ह करे हे। जिला म अब कोरोना संक्रमित मन के संख्या ह बाढ़ के 679 पहुंच गे हे।

जिला के मुख्य चिकित्सा अधिकारी डॉ खेमराज सोनवानी ह बताइस कि आज जेन (corona) नवा मरीज मिले हे, ओमा बलौदाबाजार, कसडोल अऊ सिमगा विकासखण्ड ले 10-10, पलारी विकासखण्ड ले 5 अऊ बिलाईगढ़ विकासखण्ड ले 1 मरीज शामिल हे।

बता दन कि बलौदाबाजार-भाटापारा जिला म कोरोना संक्रमित मरीज मन के संख्या ह 679 पहुंच गे हे। जेमा ले 154 एक्टिव मामला हे,

जेखर मन के जिला कोविड अस्पताल बलौदाबाजार अऊ कोविड केयर सेन्टर संकरी म इलाज चलत हे। उहचे 522 मरीज मन ह कोरोना (corona) ल मात दे दे हे, जेखर बाद ओ मन ल डिस्चार्ज कर दे गे हे।