प्रदेश म फेर मिलिस कोरोना के 36 नवा मरीज, ए जिला म मिले हे सबले जियादा संक्रमित

जय जोहार…. छत्तीसगढ़ म कोरोना ले जुड़े एक बड़का खबर ह सामने आवत हे। मंगलवार शाम के प्रदेश म 36 नवा कोरोना संक्रमित मरीज मन के पहचान होय हे। जेन नवा 36 मरीज ह मिले हे, ओमा मुंगेली ले 23, बेमेतरा ले 10, बिलासपुर ले 2 अऊ रायगढ़ ले एक मरीज शामिल हे।

छत्तीसगढ़ म अब सक्रिय मरीज मन के संख्या ह बाढ़ के 271 हो गे हे। ऊहचे प्रदेश म कुल कोरोना संक्रमण के संख्या ह 343 पहुंच गे हे। जेमा ले 72 लोगन मन ह स्वस्थ होके अपन घर लहुट चुके हे। ए नवा मरीज मन के संग प्रदेश म मुंगेली जिला ह सबले जियादा कोरोना संक्रमित जिला बन गे हे। इहां अब तक 66 मरीज मन के पहचान हो गे हे। ऊहचे अब तक एक दिन म प्रदेश के भीतर सबले जियादा 51 मरीज ह मिले हे।