Corona: देश म बीते 24 घंटा म मिले हे कोरोना के 36 हजार ले जादा नवा मरीज, 488 लोगन मन के हो गे मौत

जय जोहार….. देश म कोरोना (corona) संक्रमण के मामला ह अब थमत जावत हे। बीते 24 घंटा म कोरोना के 36 हजार ले जादा नवा मामला दर्ज करे गे हे। जबकि इलाज के दौरान 488 लोगन मन क मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म (corona) 36469 नवा मरीज के पहचान होय हे। एला मिला के देश म कोरोना संक्रमण के मामला ह बाढ़ के 79 लाख 46 हजार 429 पहुंच गे हे।

जेमा ले 6 लाख 25 हजार 857 एक्टिव मामला हे। उहचे 72 लाख 01 हजार 070 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 119502 लोगन मन के मौत हो चुके हे।