corona: प्रदेस म 24 घंटा म होय हे कोरोना के 37 नवा मरीज के पहिचान, रईपुर म घलो 4 पॉजिटिव

जय जोहार… (corona) प्रदेस म आज कोरोना के 37 नवा मरीज के पहिचान होय हे। उहें 40 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 संक्रमित के मउत हो गे हे।

प्रदेस म आज जेन कोरोना (corona) के नवा मरीज मिले हे, ओमा राजनांदगांव ले 1, रईपुर ले 4, बिलासपुर ले 6, कोरबा ले 2, जांजगीर-चांपा ले 3, जशपुर ले 4, बस्तर ले 2, कोंडागांव ले 8, दंतेवाड़ा ले 4, सुकमा ले 1, कांकेर ले 1, बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 565 हो गे हे, जेमा ले 381 एक्टिव मामला हे। उहें 9 लाख 90 हजार 628 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13556 मरीज के जान चले गे हे।