corona: देस म बीते 24 घंटा म मिले हे 37 हजार नवा मरीज, 907 संक्रमित के हो गे मौत

जय जोहार…. (corona) देस म बीते 24 घंटा म कोरोना के 37 हजार ले जादा नवा मामला के पहचान होय हे। उहें 56 हजार 985 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दउरान 907 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 37 हजार 012 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 03 लाख हो गे हे। जेमा ले 5 लाख 47 हजार एक्टिव मामला हे।

उहें 2 करोड़ 93 लाख मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 97 हजार मरीज के मौत हो गे हे।