Corona: प्रदेश म बीते 24 घंटा म होय हे 373 नवा मरीज के पहचान, रायपुर म घलो 123 पाजिटिव

जय जोहार…. प्रदेश म बीते 24 घंटा म कोरोना (Corona) के 373 नवा मरीज ह सामने आय हे। उहचे 387 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 2 मरीज के मौत हो गे हे।

बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 123, दुर्ग ले 58, रायगढ़ ले 25, बिलासपुर ले 19, धमतरी अऊ बलौदाबाजार ले 13-13, बलरामपुर ले 12, राजनांदगांव, कोरबा अऊ जांजगीर-चांपा ले 11-11, सरगुजा अऊ कोरिया ले 8-8, महासमुंद, गरियाबंद अऊ सूरजपुर ले 7-7, बालोद ले 6, दंतेवाड़ा ले 5, कबीरधाम, मुंगेली, बस्तर अऊ कांकेर ले 4-4 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 03 लाख 06 हजार 743 हो गे हे। जेमा ले 4295 एक्टिव मामला हे। उहचे 2 लाख 98 हजार 724 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3724 लोगन मन के मौत हो गे हे।