Corona : देश म एक दिन म बाढ़ीस कोरोना के 37724 नवा मामला, 648 लोगन मन के हो गे मौत

जय जोहार…. देश म कोरोना (corona) संक्रमित मरीज मन के संख्या ह कम होय के नाम नई लेवत हे। पिछिले 24 घंटा म कोरोना के 37724 नवा मामला के पुष्टि होय हे।

ए दौरान 648 लोगन मन के मौत हो गे हे। उहचे 28 हजार ले जादा लोगन मन ल बने होय के बाद डिस्चार्ज कर दे गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म अब कोरोना (corona) संक्रमित मन के कुल संख्या ह 11 लाख 92 हजार 915 पहुंच गे हे। जेमा ले एक्टिव मामला ह 4 लाख 11 हजार 133 हे।

उहचे 7 लाख 53 हजार 50 लोगन मन ह कोरोना (corona) ले जंग जीत गे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे। ए वायरस ले अब तक 28732 लोगन मन के मौत हो गे हे।