जय जोहार…. प्रदेश म पिछिले 24 घंटा म कोरोना (Corona) के 378 नवा मरीज मिले हे। उहचे 133 संक्रमित ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 3 मरीज के मौत हो गे हे।
पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 155, दुर्ग ले 84, बिलासपुर ले 26, राजनांदगांव ले 21, सरगुजा ले 15, सूरजपुर ले 13, जशपुर ले 12, कोरबा ले 10, बस्तर अऊ कबीरधाम ले 7-7, रायगढ़ अऊ कोरिया ले 5-5, जांजगीर-चांपा ले 4, महासमुंद अऊ कांकेर ले 3-3, बलौदाबाजार, बालोद अऊ सुकमा ले 2-2, बेमेतरा अऊ गरियाबंद ले 1-1 मरीज सामिल हे।
बता देन कि प्रदेश म कोरोना (Corona) संक्रमित मन के संख्या ह 3 लाख 15 हजार 864 हो गे हे। जेमा ले 3537 एक्टिव मामला हे। उहचे 3 लाख 08 हजार 452 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3875 मरीज के मौत हो गे हे।
