Corona: देश म बीते 24 घंटा म सामने आय हे 37975 नवा मरीज, पढो पूरा खबर

जय जोहार…. देश म पिछिले 24 घंटा म कोरोना (Corona) के 37 हजार ले जादा नवा मरीज के पहचान होय हे। उहचे जबकि इलाज के दौरान 480 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 37975 नवा मामला मिले हे। एला मिला के देश म कोरोना संक्रमित मरीज मन के संख्या ह 91 लाख 77 हजार 840 पहुंच गे हे। जेमा ले 4 लाख 38 हजार 667 एक्टिव मामला हे।

उहचे 86 लाख 04 हजार 955 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 34 हजार 218 लोगन मन के मौत हो गे हे।