corona : प्रदेस म आज सामने आय हे कोरोना के 38 नवा मरीज, पढ़व

जय जोहार… (corona) प्रदेस म आज कोरोना के 38 नवा मरीज सामने आय हे। उहें 36 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, रईपुर ले 6, धमतरी ले 4, महासमुंद ले 4, गरियाबंद ले 3 ,रायगढ़ ले 11, मुंगेली ले 1, सरगुजा ले 1, बस्तर ले 1, कोंडागांव ले 1, दंतेवाड़ा ले 2 अउ दूसर राज्य ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 673 हो गे हे, जेमा ले 312 एक्टिव मामला हे। उहें 9 लाख 92 हजार 768 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13593 मरीज के जान चले गेहे।