जय जोहार…. छत्तीसगढ़ म कोरोना संक्रमित मन के संख्या कम होय के नाम नई लेवत हे। सनिच्चर देर रात के कोरोना के 38 नवा मामले के पहचान होय हे। जेमा रायपुर ले 11, महासमुंद ले 8, दुर्ग ले 6, राजनांदगांव-बलौदाबाजार ले 4-4, जांजगीर ले 3, बेमेतरा अऊ धमतरी ले एक-एक मरीज शामिल हे। एखर पुष्टि ल स्वास्थ्य विभाग ह करे हे।
जानकारी के मुताबिक रायपुर म मिले 11 नवा कोरोना मरीज म एम्स के आठ स्टाफ ह संक्रमित होय हे। एखर अलावा एक मरीज ह देवेंद्र नगर ले हे, जेन रायगढ़ मेडिकल कालेज म एसी रिपेयरिंग करे ले गे रहिस। ओखर परिजन घलो महाराष्ट्र ले रायपुर लहुटे हे। एखर संग दसवां मरीज ह तिब्बत के जवान हे, जेन ड्यूटी बर बाहर गे रहिस। बाहर ले आय के बाद जांच कराय म कोरोना पाजिटिव मिले हे। ग्यारहवां मरीज ह अश्वनी नगर ले हे, वो मध्यप्रदेश के बालाघाट ले लहुटे हे। सब्बो संक्रमित मन ल अस्पताल म भर्ती कराए गे हे।
