corona के कहर, प्रदेश म बीते 24 घंटा म बाढ़ गे 3809 नवा मामला, 17 लोगन मन के हो गे मौत

जय जोहार…. छत्तीसगढ़ म कोरोना (corona) के मामला ह कम होय के नाम नई लेवत हे। राज्य म बीते 24 घंटा म कोरोना के 3809 नवा मरीज के पहचान होय हे। उहचे 2019 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 17 लोगन मन के मौत हो गे हे।

गुरुवार के जेन कोरोना (corona) के नवा मरीज मिले हे, ओमा रायपुर ले 1109, रायगढ़ ले 329, दुर्ग ले 322, बिलासपुर ले 247, बस्तर ले 225, धमतरी ले 166, बलौदाबाजार ले 145, बालोद ले 112, जांजगीर-चांपा ले 100, कोरबा ले 82, गरियाबंद ले 80, दंतेवाड़ा अऊ नारायणपुर ले 76-76, कोरिया अऊ सुकमा ले 74-74, महासमुंद ले 72, बेमेतरा ले 71, मुंगेली ले 65, राजनांदगांव ले 58, सरगुजा ले 51, कबीरधाम अऊ कांकेर ले 47-47, सूरजपुर ले 45, कोण्डागांव ले 44, बलरामपुर ले 27, बीजापुर ले 23, जशपुर ले 21, गौरेला-पेण्ड्रा-मरवाही ले 20 अऊ आन राज्य ले 1 शामिल हे।

बता दन कि प्रदेश में कोरोना (corona) संक्रमित मन के संख्या ह बाढ़ के 77775 पहुंच गे हे। जेमा ले 36036 एक्टिव मामला हे। उहचे 41111 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले राज्य म अब तक 628 लोगन मन के मौत हो गे हे।