जय जोहार। (chhattisgarh ) पिछड़ा वर्ग अउ अल्पसंख्यक विकास मंत्री डॉ. प्रेमसाय सिंह टेकाम ह छत्तीसगढ़ ले जवइया हज यात्री बर आयोजित टीकाकरण अउ स्वास्थ्य परीक्षण कारीकरम म सामिल होइन । वो हा किहीन कि कोरोना के सेती दू बछर बाद हज म जाय के मउका मिलत हे । ए घांव छत्तीसगढ़ ले 383 हज यात्री रवाना होही। जेमा 203 अउ 180 महिला सामिल हे । हज कमेटी ऑफ इंडिया मुम्बई ले प्राप्त फ्लाईट अलॉटमेंट के अनुसार राज्य के हज यात्री ह मुंबई ईम्बारकेशन प्वाइंट ले 24 जून के रवाना होही अउ हज यात्रा के बाद एखर वापसी 2 अगस्त के मुंबई ईम्बारकेशन प्वांइट ले होही ।
मंत्री डॉ. टेकाम ह राज्य हज कमेटी के स्वर्गीय अटल बिहारी वाजपेयी सभागृह में आयोजित टीकाकरण अउ स्वास्थ्य परीक्षण सिविर के अवलोकन करीन । वो हा कारीकरम म हज यात्री मन ल हज किट, फर्स्ट एड किट के वितरण घलो करीन।
(chhattisgarh ) कारीकरम महापौर रायपुर एजाज ढेबर, राज्य अल्पसंख्यक आयोग के सदस्य अनिल जैन, रायपुर विकास प्राधिकरण के उपाध्यक्ष शिव सिंह ठाकुर ह घलो प्रदेश ले जवइया हज यात्री मन ल यात्रा के मुबारक बात दीन । ए अवसर म राज्य वक्फ बोर्ड के पूर्व चेयरमेन सलाम रिजवी, राज्य मदरसा बोर्ड के पूर्व हसन खान, राज्य हज कमेटी की सदस्य मौलाना कारी अशफाक अन्जुम, मौलाना कारी डॉ. इमरान अशरफी, मौलाना असगर मेहन्दी, श्रीमती रूबिना अल्वी, श्री शारिक रईस खान, सदस्य श्रम कल्याण मंडल शेख मुशीर, हाजी अनवर रिजवी, मोहम्मद रियाज उपस्थित रिहीन।
