corona: छ्त्तीसगढ़ म मिलिस कोरोना के 385 नवा मामला, 263 मरीज मन ह जीतिस कोरोना ले जंग

जय जोहार…. प्रदेश म सनिच्चर देर रात कोरोना (corona) के 61 अउ नवा मरीज मिले हे। एखर संग आज कुल 385 नवा मरीज के पहचान होय हे।

उहचे 263 लोगन मन ह कोराना ल मात दे दे हे, जेखर बाद ओ मन ल डिस्चार्ज कर दे गे हे। जबकि कोरोना ले तीन लोगन मन के मौत हो गे हे।

आज देर रात जेन कोराना (corona) के नवा मरीज मिले हे, ओमा रायपुर ले 36, बिलासपुर ले 9, बेमेतरा ले 5, दुर्ग ले 4, राजनांदगांव अउ बलौदाबाजार ले 2-2, कोरबा, जांजगीर-चांपा अउ कोरिया ले 1-1 मरीज शामिल हे।

एखर पहिले शाम तक कोरोना (corona) के 324 मरीज म ले रायपुर ले 109, राजनांदगांव ले 58, रायगढ़ ले 19, बलौदाबाजार अउ सुकमा ले 18-18, दुर्ग ले 17, बस्तर ले 14, बिलासपुर ले 9, गरियाबंद अउ कांकेर ले 7-7, नारायणपुर ले 5, बीजापुर अउ जशपुर ले 4-4, बालोद, धमतरी, कोरबा, जांजगीर-चांपा, कोरिया, बलरामपुर अउ दंतेवाड़ा ले 2-2, मुंगेली, सरगुजा अउ आन राज्य ले 1-1 मरीज मिले रिहिस।

बता देन कि प्रदेश म कोरोना संक्रमित मरीज मन के कुल संख्या ह 11855 हो गे हे। जेमा ले एक्टिव मामला 3183 हे,

जेखर मन के अलग-अलग कोविड अस्पताल म इलाज चलत हे। उहचे 8582 लोगन मन ह बने होय के बाद अपन घर लहुट चुके हे। ए वायरस ले प्रदेश म अब तक 90 लोगन मन के मौत हो गे हे।