corona: बलौदाबाजार जिला म मिलिस कोरोना के 39 नवा मामला, 25 मरीज मन ह जीतिस कोरोना ले जंग

जय जोहार…. बलौदाबाजार जिला म कोरोना (corona) संक्रमित मरीज मन के संख्या ह सरलघा बाढ़त जावत हे। जिला म आज कोरोना के 39 नवा मरीज मन के पहचान होय हे। उहचे 25 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

मुख्य चिकित्सा अऊ स्वास्थ्य अधिकारी डॉ. खेमराज सोनवानी ह बताइस कि आज जेन कोरोना (corona) के 39 नवा मरीज मिले हे, ओमा ले बलौदाबाजार विकासखंड ले 19, कसडोल विकासखंड ले 13, पलारी विकासखंड ले 5 अऊ सिमगा विकासखंड ले 2 मरीज शामिल हे।

बता दन कि ए जिला कोरोना (corona) संक्रमित मरीज मन के कुल संख्या ह बाढ़ के 901 पहुंच गे हे। जेमा ले 261 एक्टिव मामला हे। उहचे 636 मरीज मन ह बने होय के बाद अपन घर लहुट चुके हे।