corona : देस म 24 घंटा म सामने आय हे कोरोना के 39796 नवा मरीज, पढ़व

जय जोहार…. (corona) देस म बीते 24 घंटा म कोरोना के 39 हजार ले जादा नवा मामला के पहिचान होय हे। उहें 42 हजार 352 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दउरान 723 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 39 हजार 796 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 05 लाख 85 हजार 229 हो गे हे। जेमा ले 4 लाख 82 हजार 071 एक्टिव मामला हे।

उहें 2 करोड़ 97 लाख 430 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 02 हजार 728 मरीज के मउत हो गे हे।