जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे। प्रदेश म आज कोरोना के 395 नवा मरीज मिले हे।
उहचे 217 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 6 मरीज के मौत हो गे हे।
आज जेन कोरोना (corona) के 395 नवा मरीज मिले हे, ओमा रायपुर ले 174, दुर्ग ले 53, बिलासपुर ले 37, राजनांदगांव ले 31, रायगढ़ ले 19, नारायणपुर ले 12, जांजगीर ले 9, कोरबा अउ बलरामपुर ले 8, गरियाबंद ले 7, बालोद, महासमुंद, कांकेर अउ आन राज्य ले 6-6, जशपुर ले 3, धमतरी, बलौदाबाजार, सरगुजा अउ कोरिया ले 2-2 मरीज शामिल हे।
बता देन कि प्रदेश म कोरोना (corona) संक्रमित मरीज मन के कुल संख्या ह बाढ़ के 10932 पहुंच गे हे। जेमा ले 2767 एक्टिव मामला हे,
जेखर मन के अलग-अलग कोविड अस्पताल म इलाज चलत हे। उहचे 8088 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे।
ए वायरस ले राज्य म अब तक 77 लोगन मन के मौत हो गे हे।
