4 इनामी समेत 15 नक्सली मन छोड़िस नक्सलवाद…सरेंडर

सुकमा। 4 इनामी समेत 15 नक्सली मन ह आज सुकमा म आत्मसमरपन करिन। सबो झन जिला के पुलिस अधीक्छक अउ सीआरपीएफ बटालियन कमांडेंट के आघू सरेंडर करिस हे।
मिले जानकारी म आत्मसमरपन करइया दंपति घलो सामिल हे। एलजीएस कुंजाम कोसा अउ उंखर पत्नी कुंजाम पार्वती ह मुख्यधारा ले जुड़े के फइसला करिन हे अउ नक्सलवाद छोड़ के बात कहिन। येमा कुंजाम कोसा उपर 5 लाख अउ कुंजाम पार्वती उपर एक लाख रुपिया के इनाम घोसित हे। येखर अलावा एक-एक लाख के कुराम एनका अउ कुहराम दुला ह घलो पुलिस अउ सुरक्छाबल के आघू सरेंडर करिन। सरेंडर करइया नक्सली मन ह संगठन उपर हिंसा, सोसन, अत्याचार अउ भेदभाव जइसे गंभीर आरोप लगाय हे। दू नक्सली मन ह हथियार के संग सरेंडर करिस हे । सबो ल सरकार के नीति मन के तहत सहायता रासि दे जाही।
–