रायपुर। प्रदेस कांग्रेस कमेटी ह प्रदेस के 4 नक्सल प्रभावित विधानसभा क्षेत्र मन म प्रथम चरन म चुनाइ कराय अउ राजनांदगांव सहरी विधानसभा ल द्वितीय चरन म चुनाइ कराय के मांग करिस हे।
प्रदेस कांग्रेस कमेटी के महामंत्री गिरीश देवांगन ह मुख्य निरवाचन आयुक्त ल पत्र लिखके प्रथम चरन म निरधारित चुनाव क्षेत्र मन म छूटे 4 नक्सल प्रभावित विधानसभा क्षेत्र मन ल सामिल को अउ गैर नक्सल प्रभावित सहरी क्षेत्र के विधानसभा राजनांदगांव ल प्रथम चरन ले हटाके द्वितीय चरन म चुनाइ कराय के मांग करिस हे।
निरवाचन आयोग ह छत्तीसगढ़ म दू चरन मन चुनाव कराय के निरनय लिस हे। प्रथम चरन म प्रदेस के नक्सल प्रभावित विधानसभा क्षेत्र मन ल सामिल करे गिस हे। लेकिन घोर नक्सल प्रभावित क्षेत्र कवर्धा, पंडरिया, गरियाबंद जिला के बिन्द्रा नवागढ़ अउ धमतरी जिला के सिहावा-नगरी विधानसभा क्षेत्र म द्वितीय चरन म चुनाइ कराय के निरनय लेय गिस हे। उहें नक्सल प्रभाव ले मुक्त राजनांदगांव सहरी विधानसभा ल प्रथम चरन म सामिल करे गिस हे जेमा फेरबदल कराय के मांग करिस हे।
Other Articles
