जय जोहार । (Raipur) विश्व क्षय दिवस म आज टीबी उन्मूलन म उत्कृष्ट काम बर छत्तीसगढ़ के चार जिला ल सम्मानित करे गीन । केन्द्रीय स्वास्थ्य अउ परिवार कल्याण मंत्रालय डहार ले आज प्रधानमंत्री के अध्यक्षता म वाराणसी म आयोजित वर्ल्ड टीबी समिट म गरियाबंद ल रजत पदक अउ बस्तर, धमतरी, बलौदाबाजार-भाटापारा जिला ल कांस्य पदक प्रदान करे गीन। समिट म पिछले सात बछर म टीबी के संक्रमण दर म 40 प्रतिशत तक के कमी लवइया जिला ल रजत पदक अउ 20 प्रतिशत तक के कमी लवइया जिला ल कांस्य पदक प्रदान लारे गीन ।
सब-नेशनल सर्टिफिकेसन के दउरान नामांकित जिला के चिन्हांकित गाँव म सर्वे, स्पुटम कलेक्सन अउ जांच के संग विगत सात बछर के रिकॉर्ड के घलो विश्लेषण अउ मूल्यांकन करे गीन । स्वतंत्र बाह्य मूल्याकंन के ए प्रक्रिया म नामांकित जिला म 2015 के स्थिति ले वर्तमान म मरीज के संक्रमण दर म कतना कमी आईन, एखर मूल्यांकन कर उपलब्धि के आधार म जिला ल गोल्ड, सिल्वर अउ ब्रॉन्ज मेडल दे गीन । छत्तीसगढ़ म राष्ट्रीय क्षय नियंत्रण कार्यक्रम के उप संचालक डॉ. धर्मेन्द्र गहवई अउ राज्य क्षय इकाई के अधिकारी ह घलो वाराणसी म आयोजित समिट म हिस्सा लीन ।
No Comment! Be the first one.