Train: छत्तीसगढ़ म ए रूट म 12 सितंबर ले चलही ट्रेन, पढो पूरा खबर

जय जोहार…. ट्रेन (Train) म सफर बर लंबा समय म इंतजार करत प्रदेशवासी मन बर अच्छा खबर आवत हे। रेलवे ह ए माह के 12 तारीख ले दक्षिण पूर्व मध्य रेल के 4 जोड़ी नवा स्पेशल ट्रेन ल सुरु करइया हे। एखर बर रिजर्वेशन के प्रक्रिया ह 10 सितंबर ले सुरू होही।

एमा ले 12 सितंबर ले रायपुर अऊ दुर्ग जंक्शन ले हो के चार जोड़ी ट्रेन (Train) ह चलही। यात्री मन ल अब सिकंदराबाद, दरभंगा, विशाखापट्टनम, अहमदाबाद अऊ पुरी बर स्पेशल ट्रेन के सुविधा ह मिलही।

रेलवे के अनुसार सिकंदराबाद-दरभंगा एक्सप्रेस ह मंगलवार, सनिच्चर अऊ दरभंगा-सिकंदराबांद-दरभंगा ले गुरुवार अऊ शुक्रवार के रवाना होही। कोरबा-विशाखापट्टनम रोजाना दुनो रूट म चलही।

(Train) पुरी-अहमदाबाद ह पुरी ले बुधवार अऊ अहमदाबाद ले हर शुक्रवार के रवाना होही। दुर्ग-पुरी घलो रोजाना दुनो रूट म चलही।