छत्तीसगढ़ बर राहत भरे खबर, 40 मरीज मन ह जीतिस कोरोना ले जंग, अस्पताल ह करिन डिस्चार्ज

जय जोहार…. छत्तीसगढ़ बर कोरोना ले जुड़े राहत भरे खबर आवत हे। राज्य म आज 40 मरीज ह कोरोना ल मात दे दे हे। कोरोना रिपोर्ट ह निगेटिव आय के बाद ए सब्बो मरीज मन ल अस्पताल ले छुट्‌टी दे दे गे हे। एमा मुंगेली ले 17, कांकेर ले 6, जांजगीर ले 2, कोरिया ले 2, बिलासपुर ले 4, रायगढ़ ले 6 अऊ अम्बिकापुर ले तीन मरीज शामिल हे।

ऊहचे आज प्रदेश म कोरोना के 36 नवा मामले के पहचान होय हे। जेमा बलौदाबाजार ले 22, कोरिया ले 8, एसएलआर लैब ले 2, बलरामपुर, कवर्धा, मुंगेली अऊ बिलासपुर ले एक-एक मरीज मिले हे। जेखर भर्ती प्रक्रिया ह जारी हे। बता देन कि छत्तीसगढ़ म सक्रिय मरीज मन के संख्या 456 हे। जबकि 170 लोगन मन ह स्वस्थ होके अपन घर लहुट चुके हे।