corona : प्रदेश म मिले हे कोरोना के 40 नवा मरीज, रायपुर ले घलो सात पाजिटिव

जय जोहार…. राज्य म कोरोना (corona) मरीज मन के संख्या ह सरलघा बाढ़त जावत हे। प्रदेश म आज कोरोना (corona) संक्रमित 40 नवा मरीज के पहचान होय हे। ऊहचे 52 मरीज मन ह कोरोना ल जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।
स्वास्थ्य विभाग के मुताबिक कांकेर जिला ले 8, रायपुर ले 7, बिलासपुर अउ बलरामपुर ले 6-6, जगदलपुर अउ नारायणपुर ले 3-3, राजनांदगांव ले दू मरीज के पहचान होय हे। पाजिटिव पाय गे सब्बो मरीज मन ल भर्ती करे के प्रक्रिया ह चलत हे।
बता देन कि छत्तीसगढ़ म अब कोरोना (corona) संक्रमित कुल मरीज मन के संख्या ह 3065 पहुंच गे हे। जेमा ले सक्रिय मामले ह 637 हो गे हे। ऊहचे 2414 मरीज मन ह कोरोना ल मात दे दे हे। ए वायरस ले राज्य म अब तक 14 लोगन मन के मौत हो गे हे।