corona : प्रदेस म आज होय हे कोरोना के 40 नवा मामला के पहचान, रईपुर म घलो 6 पॉजिटिव

जय जोहार… (corona) प्रदेस म आज कोरोना के 40 नवा मरीज सामने आय हे। उहें 29 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 2, राजनांदगांव ले 1, रईपुर 6 , धमतरी ले 3, बिलासपुर ले 3 , रायगढ़ ले 9 , कोरबा ले 9, जांजगीर-चांपा ले 1, सूरजपुर ले 1, बस्तर ले 2, दंतेवाड़ा ले 1 अउ दूसर राज्य ले 2 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 07 हजार 115 हो गे हे, जेमा ले 352 एक्टिव मामला हे। उहें 9 लाख 93 हजार 169 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13594 मरीज के जान चले गेहे।