छत्तीसगढ़ म एक ही दिन म मिलिस 40 नवा कोरोना संक्रमित मरीज, एक्टिव केस ह बाढ़ के होइस 225

जय जोहार…. छत्तीसगढ़ म कोरोना संक्रमित मरीज मन के संख्या ह थमे के नाम नई लेवत हे। सोमवार को फेर 40 नवा कोरोना पाजिटिव मरीज के पहचान होय हे। सिरिफ मुंगेली जिला म ही 30 मामले के पुष्टि होय हे। ऊहचे कांकेर ले 3, धमतरी ले 2, रायपुर, कोरिया, राजनांदगांव, बलरामपुर अऊ बिलासपुर ले एक-एक मरीज मिले हे। एखर पुष्टि ल राज्य कोरोना डेस्क ह करे हे। प्रदेश म अब कुल एक्टिव मरीज मन संख्या ह बाढ़ के 225 हो गे हे।

जानकारी के मुताबिक मुंगेली जिला म संक्रमित पाय गे ग्रामीण ह प्रवासी मजदूर हे, जेला जिला के क्वारेंटाइन सेंटर म रखे गे हे। 30 मरीज मन म ले बाघामुड़ा गांव म छह, छाता म चार, खैरा म चार, मोहडण्डा म दू, रामपुर म सात, टरहाधौंरा म सात मरीज मिले हे।