Mungeli: पर्यावरण संरक्षण के दे हे संदेश, बांकी म रोपे गिस 40 पौधा
जय जोहार…. मुंगेली (mungeli) जिला मुख्यालय ले कुछ किलोमीटर दूर ग्राम बांकी के होल्हाबाग नवयुवा समिति के तरफ ले पर्यावरण संतुलन बर विगत पांच वर्ष ले पौधरोपण करे जात हे।
इहीं क्रम म ए वर्ष घलो लाकडाउन ल उपयोगी बनाय के उद्देश्य ले संस्था के तरफ ले हरियाली सप्ताह मनाये जावत हे।
(mungeli) जेखर तहत युवा मन के टोली ह इतवार के बिहनिया महामाया मंदिर परिसर के साफ सफाई करिन अउ शाम के जैतपुरी रोड, रामजानकी मंदिर मार्ग, महामाया मंदिर परिसर अउ प्राथमिक विद्यालय परिसर म 40 पौधरोपण करिस।
ए दौरान कदम, कटहल, आम, गुलमोहर के पौधा ल रोपे गिस। ए अवसर म (mungeli) संस्था के वरिष्ठ सदस्य अंशुल गोस्वामी ह कहिन कि वृक्ष हमर मन के संस्कृति के संरक्षक माने जावत हे।
एखर ले हम मन ल स्वच्छ वायु, जल अउ फलयुक्त भोजन प्राप्त होवत हे। अइसे म पर्यावरण संस्कृत ल बचाय बर लोगन मन ल बढ़ चढ़ के पौधरोपण करना चाही।
