जय जोहार…. छत्तीसगढ़ म कोरोना (corona) संक्रमित मरीज मन के संख्या ह सरलघा बाढ़त जावत हे।
राज्य म गुरुवार के कोरोना के 408 नवा मामला मिले हे। उहचे 150 मरीज मन ह कोरोना ले जंग जीत गे हे,
जेखर बाद ओ मन ल अस्पताल ले डिस्चार्ज कर दे गे हे। जबकि 6 मरीज मन के मौत हो गे हे।
आज जेन कोरोना (corona) के नवा मरीज मिले हे, ओमा राजधानी रायपुर ले 151, राजनांदगांव ले 50, दुर्ग ले 41, रायगढ़ ले 29, सुकमा ले 23, बलौदाबाजार ले 18, बस्तर अउ नारायणपुर ले 15-15, बिलासपुर अउ सरगुजा ले 12-12, कोरिया ले 6, महासमुंद, गरियाबंद, कोंडागांव अउ कांकेर ले 5-5 मरीज, सूरजपुर अउ दंतेवाड़ा ले 4-4, जशपुर ले 2, कबीरधाम, धमतरी, कोरबा, जांजगीर-चांपा, बलरामपुर अउ बीजापुर ले 1-1 मरीज शामिल हे।
बता देन कि प्रदेश म कोरोना संक्रमित मरीज मन के कुल संख्या ह 13960 पहुंच गे हे। जेमा ले 4187 एक्टिव मामला हे।
उहचे 9658 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म 115 लोगन मन के मौत हो गे हे।
Other Articles
