जय जोहार । (chhattisgarh) राज्य म कस्टम मिलिंग बर अब तक 97.89 लाख मीट्रिक टन धान के उठाव हो गेहे । राज्य सरकार डहार ले केन्द्रीय पूल म चावल जमा कराय के मामला म घलो तेजी ले काम करे जावत हे। अब तक केन्द्रीय पूल म 42.45 लाख मीट्रिक टन चावल जमा कराये गेहे,जेमा भारतीय खाद्य निगम म 22.51 लाख मीट्रिक टन अउ नागरिक आपूर्ति निगम म 19.93 लाख मीट्रिक टन चावल सामिल हे।
खाद्य सचिव टोपेश्वर वर्मा ह बताइन कि (chhattisgarh) मुख्यमंत्री भूपेश बघेल के पहल म ए बछर धान खरीदी के संग उठाव अउ कस्टम मिलिंग के काम तेजी के संग सुरु कर दे गेहे। राज्य म अब तक डीओ अउ टीओ के माध्यम ले 97.89 लाख मीट्रिक टन धान के उठाव हो गेहे । उहें 75 लाख 09 हजार मीट्रिक टन धान के डीओ जारी कर दे गेहे ।
उपार्जन केन्द्र ले मिलर्स डहार ले 74 लाख 98 हजार मीट्रिक धान के उठाव ल कर ले गेहे । अइसने 22 लाख 90 हजार मीट्रिक टन धान के परिवहन बर टी.ओ. जारी करे गेहे, जेखर विरूद्ध समिति ले 22 लाख 90 हजार मीट्रिक टन धान के उठाव हो गेहे । ए बछर केन्द्रीय पूल म 61.65 लाख मीट्रिक टन अरवा चावल ल जमा कराये जाना हे ।
No Comment! Be the first one.