Corona : छत्तीसगढ़ म आज मिले हे कोरोना के 4209 नवा मरीज, रायपुर म घलो 175 पाजिटिव
जय जोहार…. प्रदेश म आज कोरोना (Corona) के 4209 नवा मरीज के पहचान होय हे। उहचे 8685 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 60 मरीज के मौत हो गे हे।
कोरोना (Corona) के आज जेन नवा मरीज मिले हे, ओमा रायगढ़ ले 357, रायपुर ले 175, बलौदाबाजार ले 222, जांजगीर-चांपा ले 227, सूरजपुर ले 328, सरगुजा ले 334, कोरबा ले 184, मुंगेली ले 125, बलरामपुर ले 303, बिलासपुर ले 119, जशपुर ले 223, कोरिया ले 423, महासमुंद ले 104, कांकेर ले 67, दुर्ग ले 95, बस्तर ले 120, राजनांदगांव ले 75, गरियाबंद ले 86, बालोद ले 73, गौरेला-पेंड्रा-मरवाही ले 80, कबीरधाम ले 67, धमतरी ले 134, बेमेतरा ले 47, कोंडागांव ले 89, दंतेवाड़ा ले 70, सुकमा ले 39, बीजापुर ले 27, नारायणपुर ले 15 नवा मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 9 लाख 52 हजार 209 हो गे हे। जेमा ले 60 हजार 938 एक्टिव मामला हे। उहचे 8 लाख 79 हजार 625 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 12646 मरीज के मौत हो गे हे।
