जय जोहार…. छ्त्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। आज इतवार के कोरोना के 426 नवा मरीज मिले हे।
उहचे 189 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 7 मरीज मन के मौत हो गे हे।
आज जेन कोरोना (corona) के नवा मरीज मन के पहचान होय हे, ओमा रायपुर ले 230, दुर्ग ले 57, बिलासपुर ले 42, रायगढ़ ले 34, सरगुजा ले 16, जशपुर ले 11, राजनांदगांव ले 9, दंतेवाड़ा ले 5, बालोद, बलौदाबाजार अउ महासमुंद ले 3-3, कोरिया, नारायणपुर अउ बीजापुर ले 2-2, बेमेतरा, कबीरधाम, गरियाबंद, कोरबा, सूरजपुर, कांकेर अउ आन राज्य ले 1-1 मरीज शामिल हे।
बता देन कि राज्य म कोरोना (corona) संक्रमित मन के संख्या ह बाढ़ के 15471 पहुंच गे हे। जेमा ले 5095 एक्टिव मामला है। उहचे 10235 लोगन मन ह कोरोना ल मात दे दे हे,
जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 141 लोगन मन के मौत हो गे हे।
No Comment! Be the first one.