chhattisgarh : लाटा एनीकट निर्माण बर मिलीन हे 43.19 करोड़ रुपिया के स्वीकृति, पढ़व

जय जोहार। छत्तीसगढ़ (chhattisgarh) सासन ह बलौदाबाजार-भाटापारा जिला के विकासखण्ड बलौदाबाजार के महानदी म लाटा एनीकट निर्माण बर 43 करोड़ 19 लाख 10 हजार रुपिया स्वीकृत करे हे। ए एनीकट निर्माण होय म क्षेत्र म 800 हेक्टेयर क्षेत्र म सिंचाई प्रस्तावित हे ।

जल संसाधन विभाग छत्तीसगढ़ (chhattisgarh) महानदी भवन ले सिंचाई योजना के निर्माण काम कराय बर मुख्य अभियंता महानदी गोदावरी कछार जल संसाधन विभाग रईपुर ल प्रसासकीय स्वीकृति जारी करे गेहे। अधिकारी मन ल योजना के काम ल स्वीकृत रासि अउ निर्धारित बेरा म पूरा सुनिश्चित करे के निर्देस दे गेहे ।