अलग-अलग राज्य म फंसे छत्तीसगढ़ के श्रमिक मन ल लाय बर राज्य सरकार ह दे हे 43 विशेष ट्रेन ल सहमति

जय जोहार…. देशव्यापी लॉकडाउन के सती देश के अलग-अलग राज्य म फंसे छत्तीसगढ़ के श्रमिक मन ल वापस लाय बर छत्तीसगढ़ सरकार ह 43 विशेष ट्रेन ल सहमति दे हे। मुख्यमंत्री भूपेश बघेल के विशेष प्रयास ले लॉकडाउन म आन राज्य म फंसे छत्तीसगढ़ के श्रमिक मन के आय के सिलसिला ह सरलघा जारी हे। मुख्यमंत्री के विशेष पहल म अब तक 11 स्पेशल ट्रेन ह 16 हजार 274 श्रमिक मन ल लेके छत्तीसगढ़ आ चुके हे। मुख्यमंत्री ह ए प्रस्तावित सब्बो ट्रेन बर अनुमति प्रदान कर दे हे।

जइसे-जइसे आन राज्य ले अनुमति मिलत जाही। ट्रेन के संचालन ह चरणबद्ध तरीका ले करे जाही। छत्तीसगढ़ सरकार के तरफ ले ट्रेन म अवइया श्रमिक मन बर रेलवे मण्डल ल अब तक एक करोड़ 88 लाख के भुगतान घलो करे जा चुके हे।