Corona: देश म पिछिले 24 घंटा म मिले हे 43 हजार ले जादा नवा मामला, पढो पूरा खबर

जय जोहार…. देश म पिछिले 24 घंटा म कोरोना (corona) के 43 हजार ले जादा नवा मामला दर्ज करे गे हे। उहचे इलाज के दौरान 508 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) 43893 नवा मरीज मिले हे। एला मिला के कोरेना संक्रमण के मामला ह बाढ़ के 79 लाख 90 हजार 322 पहुंच गे हे।

जेमा ले 6 लाख 10 हजार 803 एक्टिव मामला हे। उहचे 72 लाख 59 हजार 509 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 120010 लोगन मन के मौत हो गे हे।