Chhattisgarh: रेडियो म काली होही हमर ग्रामसभा के प्रसारण, ए विषय म स्वास्थ्य मंत्री टीएस सिंहदेव ह देही जानकारी

जय जोहार…. (Chhattisgarh) रेडियो म काली रविवार के हमर ग्रामसभा कार्यक्रम के प्रसारण होही। संझा साढ़े सात बजे से आठ बजे तक प्रसारित होवइया ए कार्यक्रम में स्वास्थ्य मंत्री टीएस सिंहदेव ह कोरोना संक्रमण के नियंत्रण अउ रोकथाम बर राज्य शासन के तरफ ले करे गे व्यवस्था के जानकारी देही।

(Chhattisgarh) स्वास्थ्य मंत्री टीएस सिंहदेव ह कार्यक्रम म कोविड 19 ले बचे के उपाय अउ सावधानी के बारे म घलो बताही। कार्यक्रम न मीडियम वेब 981 किलो हर्ट्ज म सुने जा सकत हे।

बता देन कि (Chhattisgarh) पंचायत-ग्रामीण विकास विभाग, ठाकुर प्यारेलाल राज्य पंचायत अउ ग्रामीण विकास संस्थान, निमोरा के तरफ ले तैयार रेडियो कार्यक्रम ‘हमर ग्रामसभा’ के 23 मई के 43वीं कड़ी ल प्रसारित करे जाही। प्रदेश म स्थित आकाशवाणी के सबो केंद्र ह ए कार्यक्रम ल प्रसारित करही।