corona: प्रदेश म पिछिले 24 घंटा म मिले हे 447 नवा मरीज, रायपुर म घलो 121 पाजिटिव
जय जोहार…. (corona) प्रदेश म बीते 24 घंटा म कोरोना के 447 नवा मामला दर्ज करे गे हे। उहचे 369 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। जबकि इलाज के दौरान 4 संक्रमित के मौत हो गे हे।
पिछिले 24 घंटा म कोरोना (corona) के जेन नवा मामला मिले हे, ओमा रायपुर ले 121, दुर्ग ले 106, बिलासपुर ले 27, सरगुजा अऊ सूरजपुर ले 23-23, जशपुर अऊ महासमुंद ले 19-19, राजनांदगांव ले 17, कोरबा अऊ कोरिया ले 15-15, बलौदाबाजार ले 11, बेमेतरा, रायगढ़ अऊ जांजगीर-चांपा ले 7-7, धमतरी अऊ बस्तर ले 5-5, बालोद अऊ कांकेर ले 3-3, कबीरधाम, गरियाबंद अऊ दंतेवाड़ा ले 2-2, बीजापुर ले 1 मरीज सामिल हे।
बता देन कि प्रदेश म कोरोना (corona) संक्रमण के मामला ह 3 लाख 16 हजार 311 हो गे हे। जेमा ले 3577 एक्टिव मामला हे। उहचे 3 लाख 08 हजार 854 मरीज ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 3880 संक्रमित के मौत हो गे हे।
