जय जोहार…. मनरेगा श्रमिक मन के भुगतान बर केन्द्रीय ग्रामीण विकास मंत्रालय के तरफ ले छत्तीसगढ़ (chhattisgarh) बर 45 करोड़ 80 लाख रूपिया जारी करे गे हे।
प्रदेश म चालू वित्तीय वर्ष 2020-21 म मनरेगा के तहत अब तक 25 लाख 98 हजार परिवार मन ल सीधा रोजगार उपलब्ध करात हुये 2091 करोड़ 90 लाख रूपिया ले जादा के मजदूरी भुगतान करे जा चुके हे।
एमा राज्य (chhattisgarh) सरकार के तरफ ले मनरेगा श्रमिक मन ल उपलब्ध कराय गे 50 अतिरिक्त दिन के रोजगार के एवज म 94 करोड़ 82 लाख रूपिया के मजदूरी भुगतान घलो शामिल हे। ए दौरान सामग्री मद म घलो 384 करोड़ 12 लाख रूपिया के भुगतान करे गे हे।
पंचायत अउ ग्रामीण विकास मंत्री टीएस सिंहदेव ह बताइस कि प्रदेश बर ए साल स्वीकृत 13 करोड़ 50 लाख मानव दिवस लेबर बजट के विरुद्ध प्रदेश म अब तक 9 करोड़ 44 लाख मानव दिवस रोजगार सृजित हो चुके हे। (chhattisgarh) चालू वित्तीय साल म पांच महिना ले घलो कम समय म सालभर के लक्ष्य के 70 प्रतिशत हासिल कर ले गे हे।
