Corona: राजधानी म फेर कोरोना के 45 नवा मरीज के होइस पहचान, एक्टिव मामले ह बाढ़ के होइस 258

जय जोहार…. राजधानी म कोरोना (corona) संक्रमित मरीज मन के संख्या ह बाढ़त जावत हे। आज राजधानी म कोरोना के 45 नवा मरीज के पहचान होय हे। एखर पुष्टि ल स्वास्थ्य विभाग ह करे हे।
आज जेन कोरोना (corona) के नवा मरीज मिले हे, ओमा 29 प्रायमरी कान्टेक्ट, 6 पुलिस, दू इंटर स्टेट, 7 आम लोग अउ एक हेल्थ कर्मचारी शामिल हे। आज मिले नवा मरीज मन ल कोविड अस्पताल म भर्ती के प्रक्रिया ह जारी हे।
बता देन कि राजधानी म कोरोना (corona) संक्रमित कुल मरीज मन के संख्या ह 491 पहुंच गे हे। जेमा ले सक्रिय मरीज ह 258 हे। ऊहचे 233 लोगन मन ह बने हो के अपन घर लहुट चुके हे। ए वायरस से राजधानी अब तक दू लोगन मन के मौत हो गे हे।