Corona: देश म बीते 24 घंटा म सामने आय हे 45 हजार नवा मरीज, पढ़ो पूरा खबर

जय जोहार….. देश म पिछिले 24 घंटा म कोरोना (corona) के 45 हाजर नवा मरीज मन के पहचान होय हे। उहचे 59105 लोगन मन ल स्वस्थ होय के बाद अस्पताल ले डिस्चार्ज कर दे गे हे। जबकि इलाज के दौरान 480 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमण के मामला ह बाढ़ के 79 लाख 09 हजार 960 हो गे हे। जेमा ले 6 लाख 53 हजार 717 एक्टिव मामला है।

उहचे 71 लाख 37 हजार 229 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 119014 लोगन मन के मौत हो गे हे।