corona: देस म बीते 24 घंटा म सामने आय हे 45 हजार नवा मामला, पढ़व

जय जोहार…. (corona) देस म बीते 24 घंटा म कोरोना के 45 हजार ले जादा नवा मामला के पहचान होय हे। उहें 60 हजार 729 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दउरान 817 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 45 हजार 951 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 03 लाख 62 हजार 848 हो गे हे। जेमा ले 5 लाख 37 हजार 064 एक्टिव मामला हे।

उहें 2 करोड़ 94 लाख 27 हजार 330 मरीज ह कोरोना (corona) ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले देस म अब तक 3 लाख 98 हजार 454 मरीज के मौत हो गे हे।