Corona: देश म बीते 24 घंटा म मिले हे 45 हजार ले जादा नवा मरीज, पढो पूरा खबर

जय जोहार…. (Corona) देश म बीते 24 घंटा म कोरोना के 45 हजार ले जादा नवा मरीज के पहचान होय हे। उहचे इलाज के दौरान 585 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 45576 नवा मरीज मिले हे, एला मिला के कोरोना संक्रमण के मामला ह बाढ़ के 89 लाख 58 हजार 483 पहुंच गे हे।

जेमा ले 4 लाख 43 हजार 303 एक्टिव मामला हे। उहचे 83 लाख 83 हजार 602 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 31 हजार 578 लोगन मन के मौत हो गे हे।