corona: प्रदेस म आज सामने आय हे कोरोना के 46 नवा मामला, पढ़व

जय जोहार… (corona) प्रदेस म आज कोरोना के 46 नवा मरीज के पहिचान होय हे। उहें 46 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 1, राजनांदगांव ले 2, रायपुर ले 1, धमतरी ले 1, बिलासपुर ले 4, रायगढ़ ले 6, कोरबा ले 2, जांजगीर-चांपा ले 2, मुंगेली ले 3, सरगुजा ले 1, कोरिया ले 2, जशपुर ले 4, कोंडागांव ले 2, दंतेवाड़ा ले 3, सुकमा ले 5, कांकेर ले 5, बीजापुर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 04 हजार 611 हो गे हे, जेमा ले 381 एक्टिव मामला हे। उहें 9 लाख 90 हजार 674 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13556 मरीज के जान चले गे हे।