Corona: राज्य में कोरोना के फेर मिले हे 46 नवा मरीज, राजधानी म घलो 15 संक्रमित

जय जोहार…. छत्तीसगढ़ म कोरोना (corona) मरीज मन के संख्या ह सरलघा बाढ़त जावत हे। राज्य म आज कोरोना के 46 नवा मरीज मन के पहचान होय हे। ऊहचे पिछले 24 घंटा म 52 मरीज मन ह कोरोना (corona) ले जंग जीत गे हे। जेखर बाद ओ मन ल अस्पताल ले डिस्चार्ज कर दे गे हे।
स्वास्थ्य विभाग ले मिले आकड़े के मुताबिक राजधानी रायपुर ले 15, कोरबा ले 11, कोरिया ले 6, बिलासपुर ले 6, सरगुजा ले 4, जाजंगीर चांपा ले 3 अउ रायगढ़ ले 2 मरीज मिले हे।
बता देन कि प्रदेश म कोरोना (corona) संक्रमित कुल मरीज मन के संख्या ह 3207 पहुंच गे हे। जेमा ले एक्टिव मामले ह 615 हे। ऊहचे कोरोना के 2578 मरीज मन ह स्वस्थ हो के अपन घर लहुट चुके हे। ए वायरस ले प्रदेश म अब तक 14 लोगन मन के मौत हो गे हे।