Corona: देश म बीते 24 घंटा म मिले हे 46 हजार ले जादा नवा मरीज, पढो पूरा खबर

जय जोहार…. देश म बीते 24 घंटा म कोरोना (corona) के 46 हजार ले जादा नवा मरीज मिले हे। उहचे 45246 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 583 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 46185 नवा मरीज मिले हे, एला मिला के देश म कोरोना संक्रमित मरीज मन के संख्या ह 90 लाख 1 हजार 263 पहुंच गे हे। जेमा ले 4 लाख 41 हजार 727 एक्टिव मामला हे।

उहचे 84 लाख 23 हजार 162 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 32 हजार 133 लोगन मन के मौत हो गे हे।