corona : देस म 24 घंटा म सामने आय हे 46 हजार ले जादा नवा मामला, पढ़व

जय जोहार…. (corona) देस म बीते 24 घंटा म कोरोना के 46 हजार ले जादा नवा मामला के पहचान होय हे। उहें 59 हजार 384 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दउरान 853 संक्रमित मन के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 46 हजार 617 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 04 लाख 58 हजार 251 हो गे हे। जेमा ले 5 लाख 09 हजार 374 एक्टिव मामला हे।

उहें 2 करोड़ 95 लाख 48 हजार 302 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4,00,312 मरीज के मौत हो गे हे।