Corona: देश म बीते 24 घंटा म मिले हे 46 हजार ले जादा नवा मरीज, पढो पूरा खबर

जय जोहार…. देश म बीते 24 घंटा म कोरोना (corona) के 46 हजार ले जादा नवा मरीज के पहचान होय हे। उहचे 49715 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 564 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म 46232 मरीज मिले हे, एला मिला के कोरोना (corona) संक्रमण के मामला ह बाढ़ के 90 लाख 50 पहुंच गे हे। जेमा ले 39 हजार 747 एक्टिव मामला हे।

उहचे 84 लाख 78 हजार लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 32 हजार 726 लोगन मन के मौत हो गे हे।